Galaxy Note 7-ի մարտկոցների մի մասը ոչ ստանդարտ չափերով է արտադրվել, ինչը հանգեցրել է դրանց գերտաքացման, հայտնում է The Wall Street Journal-ը՝ վկայակոչելով Samsung-ի հաշվետվությանը ծանոթ իր աղբյուրներին:
Պարբերականի տեղեկություններով՝ հաշվետվությունը կհրապարակվի հունվարի 23-ին: Ապագայում մարտկոցների խնդիրները կանխելու համար Samsung-ը ստուգումների ութաստիճան համակարգ է մշակել, որը մարտկոցների արտադրության ստանդարտների բարձրացում է նախատեսում:
Նախկինում հաղորդվել է, որ Galaxy Note 7-ի արտադրության դադարեցումը Samsung-ի համար 19 մլրդ դոլար կարժենա: Հիշեցնենք, որ Samsung Galaxy Note ֆլագմանային սմարթֆոնի վերջին մոդելի արտադրությունից հետո սարքերի հաճախադեպ գերտաքացման եւ բռնկման պատճառով ընկերությունը ստիպված էր փախարինելու համար հետ կանչել վաճառված 2,5 մլն գաջեթ:
