«Կենդանի պատ» լիբերալ ընդդիմադիր կուսակցության պատգամավոր Իվան Պերնարին Խորվաթիայի խորհրդարանի սրահից պահակախումբը ձեռքերի վրա է դուրս տարել՝ խոսնակ Ժելկո Ռայների պահանջով, որը իշխող կուսակցության ներկայացուցիչ է։ Այս մասին հաղորդում է INDEX.HR տեղեկատվական պորտալը։

Ուժ կիրառելու համար պատճառ է դարձել այն, որ խորհրդարանում բուռն քննարկման ժամանակ Պերնարը ուշադրություն չի դարձրել խոսնակի՝ լռելու և սրահը լքելու պահանջին։ Ռայներն ընդհատել է նիստը և խորհրդարանի խոսնակի իրավունքով պահանջել, որ անվտանգության ծառայությունը վտարի ընդդիմադրին՝ կարգը խախտելու համար։