Հայաստանի Մանկավարժական համալսարանի մասնագետները իրենց ռուս գործընկերների աջակցությամբ կփորձարկեն մշակաբույսերը ավելի կայուն դարձնող դեղամիջոցը։ Հայկական կողմից ծրագիրն իրականացնում են ՀՄՀ կենսաբանության, քիմիայի եւ աշխարհագրության ֆակուլտետի մասնագետները, Ռուսաստանը ներկայացված է Հարավային Դաշնային համալսարանի եւ «Լ–Տորգ» ընկերության մասնագետները։ Դրամաշնորհային այս ծրագիրը ֆինանսավորում է Գիտատեխնիկական ոլորտի փոքր ձեռնարկությունների աջակցման հիմնադրամը (առավել հայտնի է որպես Բորտնիկի հիմնադրամ)։

ՀՄՀ կենսաբանության, քիմիայի եւ աշխարհագրության ֆակուլտետի դեկան, կենսաբանական գիտությունների թեկնածու Ռուզաննա Սադոյանը NEWS.am–ին հայտնել է, որ նախագծի նպատակն է փորձարկել ռուսաստանյան ագրիմիտին միջոցը ռուսաստանի Հարավի եւ Հայաստանի չորային գոտիներում։

Նյութը կոչված է բարելավել բույսերի բջիջների «շնչառությունը» (այսինքն, սնուցող նյութերի ընդգրկումը բջիջների համար պատրաստի «սնունդ» դարձնելը)։ Բույսերի «մարսողությունը»  բարելավվում է դեղամիջոցում պարունակվող հակաօքսիդանտներով։ Ագրիմիտինը հիման վրա դեղամիջոցն էլ արտադրում է ռուաստանյան «Լ–Տորգ» ընկերությունը։

Հայաստանում այս միջոցը փորձարկելու են մշակաբույսերի՝ ցորենի, գարու, եւ, հնարավոր է, եգիպտացորենի վրա։ Փորձարկումները անցնելու են Սյունիքի մարզի Սիսիանի շրջանում եւ Շիրակի մարզում։

«Գարնանը մենք կսկսենք դաշտային փորձարկումները, իսկ մինչ այդ կորոշենք սահմանենք նյութի անհրաժեշտ քանակության եւ սերմերի ախտահանման համար օգտագործվող նյութերի հետ համատեղելիության հարցերը։ Հողի աղտոտում չի լինելու, քանի որ նոր միջոցը կազմված է օրգանական նյութերիից եւ չի պարունակում քիմիական միացություններ», – հայտնել է Ռուզաննա Սադոյանը։