Գեղարքունիքի մարզի Գեղհովիտ համայնքում այսօր հունվարի 20-ին, տեղի է ունեցել ՊԲ հարավային ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից մահացու հրազենային վիրավորում ստացած 19-ամյա Անդրանիկ Մուսիկյանի հոգեհանգիստը: NEWS.am-ի հետ զրույցում Գեղհովիտի գյուղապետ Վարդան Պողոսյանը նշեց, որ զոհված զինծառայողի հոգեհանգստին մասնակցել են ԶՈւ բարձրաստիճան սպաներ, պատգամվորներ, ՊՆ փոխնախարարը:
Ավելի վաղ ԼՂՀ ՊԲ-ից NEWS.am-ին հայտնել էին, որ հունվարի 18-ին՝ ժամը 14:00-ի սահմանում, ՊԲ հարավային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել զինծառայող 1997թ. ծնված Անդրանիկ Սմբատի Մուսիկյանը:
Անդրանիկ Մուսիկյանը ընտանիքի փոքր զավակն էր, ունի իրենից երկու ավագ եղբայր: