Երդմնակալությունից հետո իր ճառում Միացյալ Նահանգների նախագահ Դոնալդ Թրամփը հայտարարեց, թե իշխանությունը Վաշինգտոնից փոխանցում է հասարակ մարդկանց։ «Այս պահը պատկանում է ձեզ», – հայտարարեց նա՝ դիմելով ամերիկացիներին։
Նա նաեւ շեշտեց, թե հենց այսօր մարդիկ կրկին դարձան երկրի տերերը։ «Այս երկրի մոռացված տղամարդիկ եւ կանայք այլեւ մոռացված չեն լինի։ Այժմ բոլորը կլսեն ձեզ», – նշեց Թրամփը։
Թրամփը նաեւ ընդգծեց, որ այս պահից առաջին տեղում Միացյալ Նահանգները եւ դրա շահերն են, եւ դա վերաբերում է բոլոր հարցերին՝ լինի դա միգրացիան կամ արտաքին քաղաքականությունը։