Կիեւի քաղաքապետ Վիտալի Կլիչկոյի ավագ որդու վրա Ֆլորիդայում հարձակվել է ալիգատորը, հաղորդում է «Страна» պարբերականը։
«16-ամյա Եգոր–Դանիելը ալիգատորի հարձակման է ենթարկվել։ Տղան սոցիալական ցանցում տեղադրել է իր վիրավոր ձեռքի լուսանկարը եւ գրել, թե վտանգավոր բան չկա», – հաղորդում է պարբերականը՝ հավելելով, թե Կիեւի քաղաքապետի որդին որպես կամավոր աշխատում է Մայամիից ոչ հեռու գտնվող Էվերգլեյդս ազգային պարկում եւ զբաղվում է ալիգատորների խնամքով։
