Հարավային Կորեայի մշակույթի նախարար Չո Յուն Սոնը հունվարի 21-ին կալանավորվել է: Նա մեղադրվում է ծառայողական իրավասությունների չարաշահման մեջ: Նախարարը «սեւ ցուցակ» է ստեղծել, որի մեջ ընդգրկել է արվեստի հազարավոր գործիչների, որոնք քննադատում են կառավարության գործունեությունը: Չո Յուն Սոնին կալանավորելու որոշումը ընդունել է Սեուլի շրջանային դատարաններից մեկը, փոխանցում է DW-ն:
Որոշումը հիմնավորվել է նախարարի կողմից իրավախախտման ապացույցների ոչնչացման վտանգով: Հաղորդվում է, որ «սեւ ցուցակի» մեջ էին հայտնվել գրեթե 10 հազար մարդիկ: Ծրագրվել էր նրանց զրկել պետական աջակցություն ստանալու հնարավորությունից: