Լոս Անջելեսի բնակիչը Apple-ին դատի է տվել՝ ընկերությունից պահանջելով իրենց սմարթֆոններն ավելի անվտանգ դարձնել: Պարզվել է, որ դեռեւս 2008 թվականին iPhone-ի ծրագրային ապահովման մշակողները ծրագիր են ստեղծել, որը սահմանափակում է ավտոմեքենայի ղեկին SMS նամակագրություն վարելու հեռախոսի տիրոջ հնարավորությունը: Ավելին՝ 2014 թվականին ընկերությունն այդ ծրագիրն անգամ արտոնագրել է, սակայն այն այդպես էլ չի հայտնվել ամերիկյան սմարթֆոնների մոդելներից ոչ մեկի մեջ, փոխանցում է Oane-ը:
Լոս Անջելեսի դատարան է դիմել տեղի բնակիչ Խուլիո Սեխան, որը տուժել է ավտովթարից՝ Apple-ով նամակագրություն վարելով աղջկա հետ: Ավելի ուշ տեղեկանալով, որ դրանից կարելի էր խուսափել, եթե իրեն սահմանափակեր ծրագրային ապահովումը, նա որոշել է դատի տալ եւ դատարանի միջոցով մշակողներին հարկադրել հեռախոսի մեջ այդ գործառույթը պարտադիր դարձնել:
Նա մտադիր է հասնել նրան, որ iPhone-ի յուրաքանչյուր նոր սմարթֆոնում ծրագիր լինի, որը ավտոմեքենա վարելիս մարդուն հնարավորություն չի տա չաթերում գրառումներ կատարել: Դրանից զատ, նա ցանկանում է, որ այս գործառույթը հասանելի լինի արդեն վաճատված բոլոր սարքերում: Իսկ մինչ այդ, նրա կարծիքով, բոլոր սարքերի վաճառքը պետք է դադարեցվի: