Անարդար ընտրությունների գնալն իշխանության վրա ծանր կնստի:Այս մասին այսօր՝ հունվարի 21-ին, «Ելք» դաշինքի անդրանիկ համաժողովից հետո լրագրղների հետ զրույցում ասաց «Հանրապետություն» կուսակցության քաղխորհրդի նախագահ Արամ Սարգսյանը. «Եթե իշխանությունը արդար խորհրդարանական ընտրությունների չգնա, ծանր է նստելու նրանց վրա»,- նշեց նա:
Արամ Սարգսյանը նշեց, որ նոր ընտրական փոփոխությունների պարագայում կարուսելի, ուրիշի փոխարեն քվեարկելու տարբերակները անհնարին են դառնում, կամ շատ դժվար:
«Իշխանության հույսն այժմ ձայները փողով գնելու վրա է, բայց փողով չէ, որ ամեն ինչ լուծվում է: Եթե հաշվի առնենք այն 30 տոկոսը, որը ընտրություններին չի մասնակցել, ինքն էլ մտնի խաղի մեջ, այս իշխանությունն իր ոչ իշխանական, գաղափարակից ընկերներով, որոնք նույն գաղափարն ունեն, հազիվ 30-35 տոկոս ձայն հավաքի: Նոր ընտրական փոփոխությունների պարագայում կարուսելի, ուրիշի փոխարեն քվեարկելու տարբերակները անհնարին են դառնում, կամ չափից ավելի դժվար»,-ասաց նա:
