«Ելք» դաշինքն ուղղակի նախընտրական միություն չէ: Այս մասին NEWS.am-ի հետ զրույցում ասել է «Քաղաքացիական պայմանագիր» կուսակցության վարչության անդամ, ԱԺ պատգամավոր Նիկոլ Փաշինյանը:
Անդրադառնալով հարցին, թե նա հավանական է համարում արդյոք խորհրդարան անցնելուց հետո «Ելք» դաշինքի փլուզումը, Նիկոլ Փաշինյանն ասաց. «Ոչ, մենք հուշագիր ենք ստորագրել համատեղ քաղաքական գործունեության մասին, այլ ոչ թե պարզապես նախընտրական դաշինք ձեւավորելու: Դա նշանակում է, որ «Ելք» դաշինքն ավելի լայն միություն է լուրջ ռազմավարական նպատակներով»:
Հիշեցնենք, որ «Քաղաքացիական պայմանագիր», «Լուսավոր Հայաստան» եւ «Հանրապետություն» կուսակցությունները ապրիլի 2-ին կայանալիք խորհրդարանական ընտրություններին կմասնակցեն «Ելք» դաշինքով: