Գերմանիայի կանցլեր Անգելա Մերկելը խոստացել է կոմպրոմիս գտնել ԱՄՆ նախագահ Դոնալդ Թրամփի հետ առեւտրային եւ պաշտպանական ծախսերի հարցերում: Նա նշել է, որ աշխատելու է Եվրոպայի եւ ԱՄՆ-ի հետ կարեւոր հարաբերություններ պահպանելու համար, հայտնում է Reuters-ը:
«Իր երդմնակալության ճառում Թրամփը հստակ ներկայացրեց իր համոզմունքները: Այդ կապակցությամբ ես կուզեի ասել 2 բան: Առաջին հերթին ես ամուր հավատում եմ, որ բոլորիս համար լավ կլինի, եթե մենք աշխատենք ընդհանուր արժեքների, կանոնների եւ միջազգային տնտեսական ու առեւտրային համակարգում համատեղ գործողությունների հիման վրա: Երկրորդ հերթին տրանսատլանտյան հարաբերությունները պակաս կարեւոր չեն դառնա, քան նախքան այդ: Ես աշխատելու եմ այդ ուղղությամբ, եւ անգամ եթե դրա շուրջ տարբեր կարծիքներ կան, որոշումներ կարող են գտնվել»,- ասել է Մերկելը:
