Հունվարի 21-ին, ժամը 12.34-ին ահազանգ է ստացվել, որ Մարտունի-Սեւան ավտոճանապարհի 30-րդ կմ–ին՝ Նորատուս գյուղի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «BMW» մակնիշի 35 DV 720 (վարորդ՝ 1987 թ. ծնված Կ. Բ.) եւ «ԳԱԶ 3110» մակնիշի 34 LN 997 պետհամարանիշերով (վարորդ՝ 1976 թ․ ծնված Ա. Ա.) ավտոմեքենաները, ինչի հետեւանքով վարորդները ստացել են տարբեր աստիճանի մարմնական վնասվածքներ եւ հոսպիտալացվել Գավառի ԲԿ, որտեղ բժիշկները տուժածների առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենաները եւ փակել գազի բալոնների փականները։
