Տու-22Մ3 վեց ռմբակոծիչներ հարվածներ են հասցրել սիրիական Դեյր Զոր նահանգում «Իսլամական պետություն» ահաբեկչական խմբավորման օբյեկտների ուղղությամբ: Ըստ ՌԻԱ Նովոստիի՝ այս մասին հայտնել է Ռուսաստանի ՊՆ-ն:
Հեռավոր ավիացիայի օդանավերն օդ են բարձրացել Ռուսաստանի տարածքից եւ զինյալների դիրքերի ուղղությամբ հարվածներ հասցրել հունվարի 21-ին: Թիրախում եղել են ահաբեկիչների ճամբարները, զենքի ու զինամթերքի պահեստները, կենդանի ուժը:
Ռմբակոծիչների գործողությանն աջակցել են Հմեյմիմ ավիաբազայից ժամանած Սու-30ՍՄ եւ Սու-35Ս կործանիչները: Առաջադրանքը կատարելուց հետո Տու-22Մ3-երը վերադարձել են Ռուսաստանի բազա:
