Ռուսաստանի, Թուրքիայի եւ Իրանի պատվիրակությունները Ղազախստան են ժամանել Աստանայում միջսիրիական բանակցություններին մասնակցելու համար, հայտնում է «Ինտերֆաքս Ղազախստանը»:
«Այս պահին Աստանա են ժամանել Ռուսաստանի, Թուրքիայի, Իրանի պատվիրակությունները»,- ասել է Ղազախստանի ԱԳՆ մամուլի ծառայության ղեկավար Անուր Ժայնակովը:
Բանակցություններ են կայացել այդ երկրների փոխարտգործնախարարների մակարդակով:
Կիրակի գիշերը կժամանի նաեւ ՄԱԿ՝ Սիրիայի հարցով հատուկ բանագնաց Ստեֆան դե Միստուրան եւ Սիրիայի ընդդիմության պատվիրակության ղեկավարները: Սիրիայի կառավարական պատվիրակությունը Աստանա կժամանի կիրակի: