Հնդկաստանում գնացքը ռելսերից դուրս գալու հետեւանքով զոհերի թիվը հասել է 36-ի, հաղորդում է «Ֆրանս Փրեսը»։

Ավելի վաղ նշվել էր 23 զոհի եւ մոտ 100 տուժածի մասին։

Միջադեպտ ըեղի է ունեցել Օրիսա եւ Անդհրա Պրադեշ նահանգների սահմանին։ Ռելսերից դուրս է եկել արագընթաց գնացքի 8 վագոն եւ լոկոմոտիվը։ Գնացքը Ջագդալպուր քաղաքից մեկնում էր Բհուբանեշվար քաղաք։

Վթարի պատճառը դեռ հայտնի չէ։

Դեպքի վայրում փրկարարական գործողություններ են իրականացվում, ուղեւորներին տարհանել են։