Հռոմի Պապ Ֆրանցիսկոսը զուգահեռներ է տեսնում Եվրոպայում պոպուլիստական ուժերի դիրքերի կայունացման եւ 1930-ականներին Վայմարի Հանրապետության իրադարձությունների միջեւ, որտեղ տնտեսական ճգնաժամի եւ գործազրկության բարձր մակարդակի պատճառով ուժեղացան ուլտրաաջակողմյան կուսակցությունների դիրքերը: Այս մասին El Pais-ին տված հարցազրույցում ասել է Հռոմի կաթոլիկ եկեղեցու ղեկավարը:
«Հիտլերը իշխանությունը չէր զավթել, նրան ընտրել էր ժողովուրդը, եւ նա ժողովրդին մեծ վնաս հասցրեց: Ճգնաժամի ժամանակ սթափ դատելու կարողությունը կորում է: 1933 թ.-ը Գերմանիայում տիպիկ էր: Երկիրը ճգնաժամի մեջ էր եւ փնտրում էր իր ազգային ինքնությունը: Եվ այդ ժամանակ եկավ այդ խարիզմատիկ առաջնորդը եւ խոստացավ նրանց ինքնություն տալ: Սակայն նա տվեց աղճատված ինքնություն, եւ մենք գիտենք, թե ինչ եղավ հետո», - ասել է Հռոմի Պապը:
Նրա խոսքով՝ պատերի եւ փշալարերի միջոցով մարդիկ փորձում են պաշտպանվել նրանցի, ինչն իրենց սպառնալիք է թվում իրենց ինքնությանը: Սակայն Պապը միաժամանակ նշել է, որ մարդիկ իրավունք ունեն պաշտպանել իրենց երկրի սահանները, եթե իրենց ահաբեկչություն է սպառնում:
