Գերմանիայի քննչական մարմինները 92-ամյա տղամարդուն կասկածում են Շտուգհոֆ համակենտրոնացման ճամբարում վերակացու ծառայելու տարիներին սպանություններին մասնակցելու մեջ: Մեղադրյալը հերքում է, որ կապ է ունեցել այդ սպանությունների հետ կամ տեղյակ է եղել դրանց մասին, փոխանցում է DW-ն:
Դորտմունդի դատախազության աշխատակից Անդրեաս Բրենդելի խոսքով՝ 92-ամյա տղամարդը նախկին «էսէս»-ական է եղել եւ ծառայել է ճամբարում, որտեղ գազի խցիկներում մարդկանց էին սպանում:
Քննչական մարմինները չեն կարծում, որ նախկին վերակացուն անմիջական մասնակցություն է ունեցել սպանություններին, սակայն նրան դիտարկում են որպես մարդկանց ոչնչացրած համակարգի մաս: