ԱՄՆ-ում տորնադոյից զոհվել է 15 մարդ, հայտնում է Associated Press-ը: Նախօրեին տորնադոն վրա էր հասել Միսիսիպիի եւ Ջորջիայի նահանգներին, ինչի հետեւանքով տուժել են տասնյակ մարդիկ:
Քուք, Բրուքս եւ Բերիեն շրջաններում զոհվել է 11 մարդ, տուժել՝ 23-ը: Եվս 4 մարդ է զոհվել Հաթիսբերգում:
Արտակարգ ծառայությունների տվյալներով՝ տարերքն ավերել է տներ, խախտել էլեկտրամատակարարումն ու հաղորդակցումը: Տեղաբնակներին խորհուրդ են տալիս զերծ մնալ այդ շրջաններում ճանապարհորդելուց: