ԱՄՆ ԶՈւ տանկերի արկեր տեղափոխող բեռնատարը կողաշրջվել է Լեհաստանի Լյուբուշի շրջանում: Այս մասին հայտնում է երկրի ՊՆ կայքը:
Գերատեսչության տեղեկություններով՝ միջադեպը տեղի է ունեցել նախօրեին երեկոյան Պեսկի ավանի շրջանում: Հաղորդվում է, որ բեռնատարի վարորդը երթեւեկել է ճանապարհային պայմաններին չհամապատասխանող արագությամբ, ինչի հետեւանքով մեքենան դուրս է եկել մայրուղու երթեւեկելի հատվածից:
Միջադեպի հետեւանքով թեթեւ վնասվածքներ են ստացել բեռնատարի վարորդն ու ուղեւորը՝ երկուսն էլ ԱՄՆ զինծառայողներ, իսկ ճանապարհը փակվել է թափված արկերի պատճառով: