20-ամյա Սիրանուշը երեք երեխաների ու ամուսնու հետ բնակվում է սեփական տան ներքնահարկում:
«Տունը շատ խոնավ է, այդ խոնավության պատճառով երեխեքս հաճախակի հիվանդանում են: Տան պատուհանների մի մասը ջարդված է, հնարավորություն չունենք վերականգնելու: Տեղը ցելոֆան ենք կպցրել, բայց դա չի օգնում»,- պատմում է Սիրանուշը:
Ձմռան սկզբին ընտանիքին վառելափայտով աջակցել է հասարակական կազմակերպություներից մեկը: Այն, սակայն, արդեն ավարտվում է:
Երեք երեխաների մոր խոսքով, տանը պարբերաբար առնետներ են հայտնվում: Ու թեեւ փորձում են ոչնչացնել դրանց, սակայն երեխաներին անվնաս պահել ոչ միշտ է հաջողվում: Երեխաներից մեկի դեմքն առնետը նախորդ գարնանն էր վնասել:
Ընտանիքում որեւէ մեկը չի աշխատում: Ամուսինը, ով ավտովթարի հետեւանքով մի շարք խնդիրներ է ձեռք բերել ու ի վիճակի չէ ծանր աշխատանք կատարել, ընդամենը 29 տարեկան է:
Ստիպված են լինում բավարարվել 36.000 դրամի նպաստով ու ամուսու 16.000 դրամ թոշակով:
«Եթե խանութներից տալիս են, նիսյա ուտելիք ենք վերցնում, որ երեխեքը սոված չմնան, եթե չէ՝ երեխեքին մի կերպ կիսասոված պահում ենք»,- ասում է Սիրանուշը՝ երեք աղջիկներին խնամելու հարցում ակնկալելով բարերարների աջակցությունը:
Սիրանուշին օգնել ցանկացողները կարող են զանգահարել նրան 098345343 հեռախոսահամարով։