ԱՄՆ նախագահ Դոնալդ Թրամփն ու Իսրայելի վարչապետ Բենիամին Նեթանյահուն հեռախոսազրույցի ընթացքում քննարկել են երկու երկրների առանձնահատուկ հարաբերությունների զարգացման եւ ամրապնդման ուղիները, ինչպես նաեւ Մերձավոր արեւելքում անվտանգության եւ կայունության հաստատման հարցեր:
Ըստ «Ամերիկայի ձայնի»՝ նախագահ Թրամփը կրկին վերահաստատել է Իսրայելի անվտանգության ապահովմանն իր աննախադեպ հավատարմությունը եւ ընդգծել, որ ԻԼԻՊ-ի եւ ծայրահեղական այլ խմբավորումների դեմ պայքարն իր վարչակազմի համար առաջնային է:
Նա նաեւ ընդգծել է, որ Իսրայելի եւ Պաղեստինի միջեւ խաղաղության ձեռքբերումը հնարավոր է միայն կողմերի միջեւ ուղղակի բանակցությունների ընթացքում, եւ որ ԱՄՆ-ն սերտորեն կհամագործակցի Իսրայելի հետ՝ այդ ճանապարհին առաջընթացի հասնելու համար:
ԱՄՆ նախագահն Իսրայելի վարչապետին հրավիրել է փետրվարի սկզբին Սպիտակ տուն այցելել:
