WikiLeaks-ն օգտատերերին կոչ է արել գտնել ԱՄՆ նորընտիր նախագահ Դոնալդ Թրամփի հարկային հաշվետվությունը եւ ուղարկել կայքին: Հայտարարությունը հրապարակվել է կազմակերպության Twitter-ի էջում:
«Թրամփի խորհրդական Քելիեն Քոնուեյը հայտարարել է, որ Թրամփը չի հրապարակում իր հարկային հայտարարագիրը: Այն ուղարկեք կայքին, որպեսզի մենք կարողանանք դա անել նրա փոխարեն»,- ասված է հայտարարությունում:
Նախօրեին Քոնուեյը հայտարարել էր, որ Դոնալդ Թրամփն իր հարկերի մասին տեղեկություններ չի հրապարակելու:
