Ճապոնիայի վարչապետ Սինձո Աբեն հայտարարել է, որ դեկտեմբերին Ռուսաստանի նախագահ Վլադիմիր Պուտինի հետ բանակցությունների ընթացքում դժգոհություն է հայտնել Կուրիլյան կղզիներում ռուսական ռազմական ներկայության ամրապնդման հետ կապված: ՏԱՍՍ-ի փոխանցմամբ՝ այս մասին նա ասել է երկրի խորհրդարանում ելույթ ունենալիս:
«Ես չեմ կարող [նախագահ Պուտինի հետ] ամբողջ զրույցի բովանդակությունը բացահայտել: Սակայն ռուսական կողմին հստակ ասել եմ, որ մենք ափսոսանք ենք հայտնում հյուսիսային 4 կղզիներում իր ռազմական ներկայության ամրապնդման հետ կապված»,- հայտարարել է Աբեն:
Նա հայտնել է, որ Տոկիոն մտադիր է Մոսկվայի հետ բանակցությունները շարունակել՝ «Հարավային Կուրիլներում համատեղ տնտեսական գործունեության համար հատուկ պայմաններ ստեղծելու համար»: