News
Լրահոս
News
Հինգշաբթի
Մարտ 28
Տեսնել լրահոսը

Հայաստանի ազգային հավաքականի եւ Երեւանի «Ալաշկերտի» դարպասապահ Արսեն Բեգլարյանը NEWS.am-i թղթակից Վերա Մարտիրոսյանի հետ զրույցում պատմեց, թե ինչի շնորհիվ նա կարող է աճել որպես ֆուտբոլիստ, ինչպես էր Բերեզովսկուն փոխարինելը եւ ինչ նախասիրություններ ունի:

Արսեն, անցյալ տարի դու դարձար ազգային հավաքականի հիմնական դարպասապահը: Կարելի՞ է ասել, որ դա քո կարիերայի լավագույն տարին էր:

Այո, այդպես էր: Դառնալ հավաքականի դարպասապահ մեծ իրադարձություն է, բացի այդ մեկնարկեց  որակավորման նոր խմբային փուլը: Մենք հաջող չսկսեցինք, բայց վերջին խաղը լավատեսություն ներշնչեց: Պետք է լավ տրամադրվենք:

Ռոման Բերեզովսկին հայկական ֆուտբոլի լեգենդն է: Գաղտնիք չէ, որ երկրպագուները չէին ցանկանում, որ նա հեռանար: Դժվար չէ՞ր փոխարինել նման ֆուտբոլիստի:

Գրեթե մեկ տարի առաջ էր դա: Գերբնական բան չզգացի, երեւի նրանից է, որ կարծում էի՝ մեկ օր ինչ-որ մեկը փոխարինելու է նրան: Պատասխանատվություն զգում էի ոչ թե Բերեզովսկուն փոխարինելու համար, այլ որ խաղալու եմ Հայաստանի ազգային հավաքականում: Իմ մեկնարկում  շատերն ինձ օգնեցին:

Ինչպե՞ս ես վերաբերվում քննադատությանը: Դու շատ լավ խաղացիր Դանիայի հետ, բայց ունեցել ես ոչ այդքան լավ խաղեր: Քեզ հիմնականում մեղադրում են վստահություն չունենալու մեջ:

Ընդունում եմ իմ թույլ կողմերը: Ռումինիայի հետ խաղում սխալ թույլ տվեցի, կային նաեւ այլ սխալներ: Բայց վստահությունը գալիս է փորձի հետ: Ինձ դժվար է Հայաստանի առաջնությունից հետո խաղալ Հայաստանի հավաքականում: Հենրիխ Մխիթարյանին այդ հարցում ավելի հեշտ է: Եթե խաղայի բարձրակարգ թիմում, ոչ ստաբիլ խաղը ինձ չէին ների: Եթե կարողանայի փոխել առաջնութունը, ապա կարող էի դառալ ավելի բարձրակարգ ֆուտբոլիստ:

Երբ եկար Հայաստան, մամուլում հաճախ էին գրում, որ տեղափոխվելու ես տարբեր ակումբեր՝ Ռուսաստանի, հետո եվրոպական ակումբեր: Ո՞վ է հիմա զբաղվում քո գործերով:

Այժմ չունեմ գործակալ:

Չե՞ս կարծում, որ առանց գործակալ դժվար կլինի լավ թիմ գտնել: Սկաուտները Հայաստան հազվադեպ են գալիս:

Կարծում եմ՝ իմ հնարավորությունը հավաքականում լավ հանդես գալն է: Եթե չեմ սխալվում, Յուրա Մովսիսյանը նույնպես «Կրասնոդարի» ղեկավարների ուշադրությունը գրավեց Հայաստանի հավաքականում խաղալիս:

Հայաստանի առաջնությունում հանդես են գալիս վեց թիմեր: Հավաքականը տարեկան անցկացնում է 5-6 խաղ: Ինչպե՞ս պետք է բարձրացնես կարգդ:

Այստեղ դեր է խաղում հոգեբանական գործոնը: Պետք է միշտ կենտրոնացած լինես ու օգտագործես հմտություններդ կարեւոր խաղերում: Հայաստանի առաջնությունում դժվար է նոր բան սովորել, սակայն օրինակ մեր թիմում կան շատ լավ ֆուտբոլստներ, ումից կարելի է սովորել:

Դու Հայաստանի հավաքականի գլխավոր դարպասապահն ես, բայց «Ալաշկերտում» Գեւորգ Կասպարովի հետ հերթով եք խաղում: Ինչպե՞ս ես դրան նայում:

Ես հավաքականում էլ ունեմ մրցակցություն: Թիմում ոչ բոլոր խաղերին եմ մասնակցում, բայց մրցակցությունը միայն օգնում է: Եթե ստաբիլ չխաղաս, կհայտնվես պահեստայինների նստարանին: Ալաշկերտում այդ հարցում լավ է: Ամեն մեկը պետք է ապացույցի  խաղալու իր իրավունքը:

Մոնտենեգրոյի հետ խաղից առաջ խոսում էին, որ գուցե դու չես պաշտպանելու դարպասն այդ խաղում:

Ես նման բան չեմ լսել: Կարծում եմ՝ դա ենթադրությունների թեմա չէ: Համենայնդեպս, ինձ նման բան չեն ասել:

Նախորդ տարի հավաքականը ունեցավ ընկերական հանդիպումներ ԱՄՆ-ում, դու լավ հանդիպում անցկացրիր Դանիայի հետ, եղավ Մոնտենեգրոյի հետ դիտարժան խաղը: Ո՞րն էր քեզ համար ամենից հիշվողը:

Չեմ ցանկանա ինչ-ոչ մեկն առանձնացնել, բայց եթե պետք է ընտրեմ, առաջինը կնշեի Բելառուսի հետ խաղը՝ իմ դեբյուտը: Դա հուզիչ պահ էր: Իսկ Մոնտենեգրոյի հետ վերջին խաղը կարծում եմ ոչ միայն կմնա հայ երկրպագուների հիշողության մեջ, այլ նաեւ կդառնա հայկական ֆուտբոլի պատմության էջերից մեկը:

Ի՞նչ տվեց հավաքականի գլխավոր մարզիչի փոփոխությունը թիմին:

Մենք վաստակեցինք երեք միավոր: Արթուր Պետրոսյանի հետ ես մինչ այդ էլ էի ծանոթ, երբ նա աշխատում էր Շալանդի հետ: Ես դեռ այն ժամանակ էի ուրախ նրա նշանակմանը, քանի որ գիտեի նրան, որպես Հայաստանի հավաքականի պատմության լավագույն ռմբարկուներից մեկի: Նա մեծ աշխատանք կատարեց այս կարճ ժամանակում: Նա ավելի շատ մեզ հետ հոգեբանորեն աշխատեց: Ինձ համար դա ավելի կարեւոր է, քան տակտիկական աշխատանքը: Մենք պարտվում էինք, բայց չընկճվեցինք: Նա մեզ չէր կշտամբում, չէր գոռում մեր վրա, պարզապես նա իր աշխատանքն էր անում:

Իսկ մարզիչներ կայի՞ն, որ գոռում էին:

Ամեն տեսակի մարզիչ կա, եւ ամեն մեկն ունի իր ոճը: Կա մարզիչ որը կառուցում է իր աշխատանքը խարիզմայի վրա, ինտելեկտի, էմոցիաների: Մարզիչն էլ է մարդ եւ կարող է իրեն չզսպել եւ դժգոհել ֆուտբոլիստից: Հիմնականում դա լինում է խաղից հետո: Այդ իսկ պատճառով Արթուրի վերաբերմունքը շատ ընկերական էր մեր հանդեպ: Նա չէր քննադատում, նա ոգեշնչում էր:

Իսկ ինչպե՞ս էր քեզ աշխատել Աբրահամ Խաշմանյանի հետ:

Խաշմանյանը թիմը դարձրեց չեմպիոն, նրա ղեկավարությամբ մենք լավ էինք հանդես գալիս: Այս մրցաշրջան ամեն բան չի որ ստացվում էր, բայց մենք առաջատարից շատ հետ չենք:

Կա՞ ինչ-որ արարք քո կարիերայում, որի համար զղջում ես:

Հնարավոր է ինչ-որ տեղ պետք էր ավելի համբերատար լինեի, բայց ճակատագրական սխալներ կարծում եմ՝ չեմ արել: Ինձ համար ճակատագրական եղավ Հայաստան գալու որոշումը, եւ դա ճիշտ որոշում էր:

Ինչպիսի՞ նախասիրություններ ունես ֆուտբոլում:

Մանկուց սիրում եմ «Մանչեսթեր Յունայթեդը»:

Կլասիկոյի ժամանակ, ո՞ր թիմին ես ավելի շատ համակրում:

Երբ Բեքհեմը խաղում էր Մադրիդում, ես «Ռեալին» էի երկրպագում: Նա իմ սիրած ֆուտբոլիստն է: Հիմա ավելի շատ ցանկանում եմ դիտել դիտարժան խաղ:

Ֆուտբոլի պատմության լավագույն ֆուտբոլիստը:

Լիոնել Մեսսին:

Իսկ քո դիրքում:

Երեւի Բուֆոնը, բայց ես սիրում եմ Վան դեր Սարին:

Քո մասին քիչ բան է հայտնի, քիչ հարցազրույցներ ես տալիս: Փորձենք տեսնել ինչպիսին ես կյանքում:. ինտրովերտ ես, թե էքստրավերտ:

Ինտրովերտ:

Ֆատալի՞ստ ես, թե՞ հավատում ես, որ մարդն իր ճակատագրի դարբինն է:

Չեմ կարծում, որ ամեն բան սահմանված է արդեն, բայց չեմ էլ կարծում, որ միայն մարդուց է կախված իր ճակատագիրը:

Մարզիկները հաճախ  կրթված չեն լինում: Գիրք կարդալ սիրո՞ւմ ես:

Չէի ասիր թե գրքամոլ եմ, պահեր կա որ կարդում եմ, պահերը կան,  որ ընդհանրապես չեմ կարդում:

Ունե՞ս սիրած գիրք:

Ունեմ սիրած հեղինակներ՝ Ջեք Լոնդոն, Էրիխ Մարիա Ռեմար: Գրքերից  հավանում եմ նրա «Երեք ընկերները»:

Սիրած ֆիլմը:

Սիրում եմ պատմական, արկածային ֆիլմեր, ինչպես նաեւ մանրապատումների վրա հինված:

Սիրած դերասանը:

Ջեք Ջիլենհոլը:

Սիրած եղանակը:

Չեմ սիրում ուշ աշունը, սիրում եմ ուշ գարունը:

Հայաստանում սիրած վայրը:

Անցյալ տարի Ծաղկաձորում էինք, դուրս եկավ: Հայաստանի բնությունը շատ գեղեցիկ է:

Սովորե՞լ ես հայերեն:

Կարելի է ասել՝ այո: Հավաքականում տղաների համար հաճախ թարգմանում եմ:

Վերա Մարտիրոսյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
«59 հարց ֆուտբոլի մասին և ոչ միայն» Լիլիթ Մակունցի հետ
Այս և այլ հարցերի պատասխանը տվել է Հայաստանի Հանրապետության մշակույթի նախարարի պաշտոնակատար Լիլիթ Մակունցը...
«59 հարց ֆուտբոլի մասին եւ ոչ միայն» Էդուարդ Շարմազանովի հետ
Ո՞ւմ է նա համարում բոլոր ժամանակների լավագույն քաղաքական գործիչ...
«59 հարց ֆուտբոլի մասին և ոչ միայն»՝ Դավիթ Սանասարյանի հետ
Եղե՞լ է այնպես, որ նրա սերը մերժեն, պե՞տք է արդյոք հայերը հպարտանան Քիմ Քարդաշյանով, ի՞նչ խորհուրդ կտար ինքն իրեն 18 տարեկանում...
«59 հարց ֆուտբոլի մասին եւ ոչ միայն»՝ Նաիրա Զոհրաբյանի հետ
NEWS.am-ը վերսկսում է «59 հարց ֆուտբոլի մասին եւ ոչ միայն» հաղորդաշարը...
Լեգենդար Բատիստուտան՝ հայկական Վարդավառի եւ կովեր պահելու մասին (Ֆոտո)
Բատիստուտան պատմել է, որ այլեւս ֆուտբոլով չի զբաղվում․․․
Լեգենդների հանդիպմանը կնախորդեն մի շարք միջոցառումներ, այդ թվում համերգներ, վարպետության դասեր
Հիշեցնենք, որ բացի Լեգենդների խաղից, հուլիսի 6-8-ին առաջին անգամ Երեւանի պատմության մեջ կստեղծվի ֆան-գոտի, որը «Ազատության հրապարակում կընդունի բոլոր երկրպագուներին...
Ամենաշատ