«Բարգավաճ Հայաստան» կուսակցության նախկին առաջնորդ Գագիկ Ծառուկյանը կորցրել է արմատական ընդդիմադիր ընտրազնգվածի աջակցությունը: Այս մասին հունվարի 23-ին լրագրողների հետ հանդիպման ժամանակ ասաց քաղտեխնոլոգ Կարեն Քոչարյանը:
Նրա խոսքով՝ Հայաստանում վարկանիշ ունեն միայն երկու քաղաքական գործիչ՝ վարչապետ Կարեն Կարապետյանը եւ Գագիկ Ծառուկյանը: Քաղտեխնոլոգի կարծիքով՝ Ծառուկյանի վարկանիշը, սակայն, անցած տարիների համեմատությամբ նվազել է: «Խորհրդարան մտնելու հավանականություն ունի իշխող Հանրապետական կուսակցությունը, բայց ոչ այն պատճառով, որ մարդիկ նրան սիրում են կամ վստահում, այլ որ ՀՀԿ-ն վարչական եւ ֆինանսական ռեսուրսներ ունի: Ծառուկյանի ստեղծելիք դաշինքը նույնպես շանսեր ունի, իսկ մյուս քաղաքական ուժերը պետք է փորձեն հանդես գալ դաշինքների կազմում, քանի որ միայնակ շանսեր չունեն»,- նշեց Քոչարյանը: