ՀՀ առողջապահության նախարարության արտակարգ իրավիճակների եւ զորահավաքային նախապատրաստության բաժնի աշխատակիցները հունվարի 22-ին, ժամը ժամը 11.55-ին Ռուսաստանի Դաշնության Մ-29 ավտոճանապարհի 12-րդ կմ-ին (Պավլովի շրջան) տեղի ունեցած ավտովթարից տուժածների առողջական վիճակի վերաբերյալ տեղեկությունները ճշտելու նպատակով դեռ երեկ, ժամը 17:00-ին կապվել են Պավլովի շրջանի կենտրոնական հիվանդանոցի ընդունարանի հերթապահ բժշկի հետ։
Այդ պահի դրությամբ հոսպիտալացված է եղել ՀՀ 9 քաղաքացի`
Վանուշ Սահակյան (ծնվ.` 1985թ.), Մուշեղ Մանուկյան (ծնվ.` 1960թ.), Կարեն Հակոբյան (ծնվ.` 1984թ.), Մհեր Քոթանջյան (ծնվ.` 1987թ.), Դավիթ Քոթանջյան (ծնվ.` 1988թ.), Արսեն Պողոսյան (ծնվ.` 1987թ.), Գեւորիկ Դալլաքյան (ծնվ.` 1992թ.), Գարիկ Կոստանդյան (ծնվ.` 1987թ.), Հերմինե Բեկթաշյան (ծնվ.` 1983թ.)։
Այսօր, ժամը 10.05-ին եւ 14.15-ին Պավլովի շրջանի կենտրոնական հիվանդանոցի վիրաբուժական բաժանմունքի վարիչ Դմիտրի Լեւչենկոյից եւ վնասվածքաբանության բաժանմունքի վարիչ Օլեգ Լուկանցեւից ստացված տվյալներով ավտովթարից տուժածներիցՎանուշ Սահակյանը, Դավիթ Քոթանջյանը, Արսեն Պողոսյանը եւ Գարիկ Կոստանդյանը,ստանալով անհրաժեշտ բուժօգնություն, դուրս են գրվել։ Նրանցից Մհեր Քոթանջյանին հարազատները տեղափոխել են Դոնի Ռոստով։
Բուժումը հիվանդանոցում շարունակող տուժածներից մեկի վիճակը մասնագետները գնահատում են ծանր, մյուսներինը` միջին ծանրության։ Բոլորն անցել են լաբորատոր եւ գործիքային անհրաժեշտ հետազոտություններ, ստանում են համապատասխան բուժօգնություն։
Նշենք, որ տուժածների մոտ ախտորոշվել են տարբեր աստիճանի կոտրվածքներ, երկուսի մոտ առկա է նաեւ թոքի վնասվածք։ Բոլորը գտնվում են մասնագետների մշտական ուշադրության ներքո։