Սան Դիեգոյի ռոբոտատեխնիկայի ինստիտուտի գիտնականները համոզված են, որ ժամանակակից երեխաները ստիպված չեն լինի ավտոմեքենա վարել, քանի որ մոտ ապագայում փոխադրամիջոցը ավտոպիլոտով կառավարելու գործառույթ կստեղծվի: Ապագայի ավտոմեքենան ուղեւորներին ինքնուրույն կտեղափոխի: Այն իրականություն կդառնա արդեն 10-15 տարի հետո: Ուշագրավ է, որ փոխադրամիջոցի առաջատար արտադրողներից շատերը պատրաստ են այսպիսի անվարորդ ավտոմեքենաների նախատիպերը նախկինում գիտնականների հաստաված ժամկետներից շատ ավելի վաղ ներկայացնել, փոխանցում է Oane-ը:
Գիտաշխատողները նշել են, որ ցանկացած նոր տեխնոլոգիայի օգտագործումը ինչպես դրական, այնպես էլ բացասական պահեր ունի: Ճանապարհատրանսպորտային պատահարների թվի նվազման հետ մեկտեղ, այսպիսի անվարորդ միջոցների ներդրումը կհանգեցնի ավտոպարկերում ավտոմեքենաների թվի կրճատմանը: Ակնկալվում է, որ 20 տարի հետո երկրների կառավարությունները կվերանայեն անձնական ավտոմեքենայի հասկացությունը:
Հետաքրիքր է, որ տաքսի ծառայություններից շատերը անվարորդ փոխադրամիջոցի թեստավորում են կատարում: Եթե այսպիսի ավտոմեքենաների անվտանգությունն ապացուցվի, մեգապոլիսների փողոցներում կհայտնվեն ավտոպիլոտով կառավարվող ավտոմեքենաներ: