Եվրոպայի խորհրդի Խորհրդարանական վեհաժողովի նախագահ Պեդրո Ագրամունտը Ադրբեջանի ղեկավարությանը կոչ է արել ազատել «Հանրապետական ալընտրանք» (ReAl) քաղաքացիական շարժման առաջնորդ Իլգար Մամեդովին:
«Ադրբեջանի ղեկավարության հետ վարած բանակցությունների արդյունքում հաջողվել է հասնել մի շարք լրագրողների եւ քաղաքացիական հասարակության ներկայացուցիչների ազատ արձակմանը, որն անկասկած մեծ հաջողություն է: Սակայն որոշ քաղաքացիներ դեռեւս կալանավորված են, այդ թվում՝ ReAl-ի առաջնորդ Իլգար Մամեդովը: Ադրբեջանի ղեկավարությանը կոչ եմ անում նաեւ նրան ազատել»,- հայտարարել է Ագրամունտը:
Հիշեցնենք, որ ReAl շարժման առաջնորդ Իլգար Մամեդովը դատապարտվել է 7 տարի ժամկետով ազատազրկման:
