Նախկին դայակ Գյուլչեխրա Բոբոկուլովային, որը Մոսկվայում գլխատել էր չորս տարեկան աղջկան, հարկադիր բուժման են ուղարկել Ռուսաստանի հոգեբուժարաններից մեկը, հայտնել է «Ինտերֆաքսը»։
Ուզբեկստանի քաղաքացու նկատմամբ դատավճիռը ուժի մեջ է մտել, դատավճռի վերաբերյալ բողոքարկում չի եղել։
Մոսկվայի Խորոշեւսկի դատարանը նոյեմբերի 24-ին որոշում է կայացրել Բոբոկուլովային հոգեբուժարան ուղարկելու մասին։ Կնոջը մեղադրում են մանկահասակ աղջկա սպանության մեջ։
2016-ի փետրվարի 29-ին Բոբոկուլովային ձերբակալել էին Մոսկվայում մետրոյի «Օկտյաբրսկոյե պոլե» կայարանում։ Նրա ձեռքին երեխայի գլուխն էր։ Ականատեսների խոսքով մարդասպանը բղավում էր «Ալլահ ակբար» ու սպառնում էր պայթեցնել իրեն։
Կինը սպանված երեխայի դայակն էր։ Ենթադրաբար նա սպասել էր մինչեւ ծնողները դուրս գան տանից, սպանել էր աղջկան, հրկիզել բնակարանը ու դուրս եկել փողոց։ Դրանից հետո հրդեհը մարել էին ու հայտնաբերել երեխայի գլխատված մարմինը։
