Բոլիվիայի նախագահ Էվո Մորալեսը նոր կառավարություն է ձեւավորել՝ կիսով չափ թարմացնելով նախարարների կազմը։ Այս մասին վկայակոչելով TeleSur հեռուստաալիքը, հաղորդում է ՌԻԱ Նովոստի–ն։
Կադրային փոփոխությունները նպատակ ունեն ավելի երիտասարդ սերնդի քաղաքական գործիչներին իրենց դրսեւորելու հնարավորություն տալ։ Նշվում է, որ նախկին կառավարության կազմից իր պաշտոնն է պահպանել արտգործնախարար Դավիդ Չոկեուանկան, ով ղեկավարում է Բոլիվիայի ԱԳՆ–ն արդեն 11 տարի։