Ամուսնությունից մեկ շաբաթ անց կնոջը դաժանաբար սպանած ադրբեջանցի Սամիր Հաբիբովի դեմ Սանկտ Պետերբուրգի դատարանի վճիռը շոկի մեջ է գցել ադրբեջանական լրատվամիջոցներին։

Haqqin.az–ը հայտնում է, որ դատախազը Հաբիբովի համար 14 տարվա ազատազրկում է պահանջել։ Սակայն դատավորը հաշվի է առել, որ տղամարդը 2 փոքր երեխա ունի եւ ակտիվորեն համագործակցում է հետաքննության հետ, այդ պատճառով նրան ընդամենը 10 տարվա ազատազրկման է դատապարտել։

Նրան պարտադրել են նաեւ սպանված 23-ամյա Գյուլնար Վելիեւայի ընտանիքին 5 մլն ռուբլի վճարել։ Մարդասպանը մինչեւ դատարանի վճիռը տնային կալանքի տակ էր եւ կալանավորվել էր միայն դատավճիռը հրապարակելուց հետո։

Հանցագործությունը կատարվել էր 2016-ի ապրիլի 22-ին։ Դատարանը վճռել էր, որ 34-ամյա Սամիր Հաբիբովը կնոջը ծեծելով սպանել է եւ  նրա մարմինը եղբոր  հետ թաղել անտառում։