Աֆղանստանի գլխավոր դատախազությունը կարգադրել է կալանավորել երկրի փոխնախագահի 9 թիկնապահներին, որոնց մեղադրում են բռնաբարությունների եւ խոշտանգումների մեջ։ Փոխնախագահի դեմ քննություն է ընթանում նրա քաղաքական ընդդիմախոսի մեղադրանքների կապակցությամբ, հայտնում է The New York Times–ը։
Կալանքի օրդերները տրվել են այն բանից հետո, երբ Աֆղանստանի փոխնախագահ գեներալ Աբդուլ Ռաշիդ Դուսթումը եւ նրա թիկնապահները հրաժարվել էին ներկայանալ հարցաքննություններին։
63-ամյա Ահմադ Իշչին Դուսթումին մեղադրել է նոյեմբերին իրեն առեւանգելու մեջլ Նրա խոսքով՝ Դուսթումն անձամբ ծեծել է իրեն, որից հետո իր մարդկանց հանձնարարել է բռնաբարել իրեն։ Կտտանքները շարունակվել են 5 օր։
Աֆղանաստանի դատախազությունը հրաժարվել է գործից մանրամասներ ներկայացնել։