Գերմանիան կօգտագործի Ասիայի եւ Հարավային Ամերիկայի հետ առեւտրի ցանկացած հնարավորություն տրանսխաղաղօվկիանոսյան գործընկերության մասին համաձայնագրից ԱՄՆ նախագահ Դոնալդ Թրամփի դուրս գալու որոշումից հետո, հայտնում է Reuters–ը։
«Եթե Թրամփը Ասիայի եւ Հարավային Ամերիկայի հետ առեւտրային պատերազմ սկսի, դա մեզ համար նոր հնարավորություն կբացի,– ասել է Գաբրիելը։ Նրա խոսքով՝ Թրամփը պետք է խոստովանի, որ ի տարբերություն Գերմանիայի տնտեսության՝ ԱՄՆ տնտեսությունը հաճախ մրցունակ չէ։ Նա նշել է, որ Գերմանիայի արտահանության միայն 10 տոկոսն է բաժին ընկնում ԱՄՆ–ին, այնինչ արտահանման 60 տոկոսը Եվրոպայի այլ երկրներին է բաժին հասնում։
«Մեր տնտեսական շահերի ծավալն ակնհայտ է։ Գերմանիան պետք է վստահ գործի, չվախենա։ Մենք հաջողակ, տեխնոլոգիապես զարգացած ազգ ենք, որն ունի աշխատունակ ժողովուրդ եւ ընկերություններ»,– ասել է Գաբրիելը։
