Ռուսական գազի մատակարարումները Հայաստան 2016-ին պակասել են մինչեւ 1.87 մլրդ խ/մ՝ ի համեմատություն 2015-ի 1.92 մլրդ խ/մ–ի։ Այս մասին ասված է ՌԴ վարչապետ Դմիտրի Մեդվեդեւի եւ ՀՀ վարչապետ Կարեն Կարապետյանի հանդիպման նյութերում, փոխանցում է ANGI–ն։
«Հայաստանի գազի մատակարարումները գրեթե ամբողջությամբ կախված են ռուսական գազից, որը մատակարարվում է Վրաստանի տարածքով։ 2016-ին գազի մատակարարումը կազմել է 1.87 մլրդ խ/մ (2015-իn` 1.92 մլրդ խ/մ) »,- ասված է նյութերում։
Հաղորդվում է, որ երկու երկրների համագործակցության խոշոր ոլորտների թվում է գազի շուկայում փոխգործակցությունը։ Ընդհանուր առմամբ «Գազպրոմը» Հայաստանի տարածքում գազաէներգետիկ նախագծերի ֆինանսավորմանը (այդ թվում՝ Հրազդանի ՋԷԿ–ի 5-րդ էներգաբլոկի արդիականացման եւ Իրան–Հայաստան գազատարի կառուցման )տրամադրել է մոտ 550 մլն դոլար։