ՌԴ Նոր Մոսկվայի շրջանի Սոսենսկոե ավանում գողացել են «Գազպրոմի» անվտանգության ծառայության աշխատակցի 200 հազար ռուբլի արժողությամբ զուգարանակոնքը, գրում է «Իզվեստիա»–ն։

Դեկտեմբերի վերջին տեղի ունեցած գողության մեջ կասկածում են ներգաղթյալ բանվորների, որոնք վերանորոգում էին նրա բնակարանը։ Ռուսական ընկերության անվտանգության ծառայության աշխատակցի խոսքով՝ երբ ինքը եկել էր վերանորոգման աշխատանքները ստուգելու, բանվորներն արդեն այդտեղ չէին եղել։ «Ոսկյա» զուգարանակոնքից բացի, անհետացել են սանտեխնիկայի այլ դետալներ։