Ռուսաստանը, Իրանը եւ Թուրքիան անհրաժեշտ են համարում Սիրիայում զինված ընդդիմության ահաբեկիչներից տարանջատման ապահովումը, նշված է Սիրիայի ճգնաժամի հարցով Աստանայում միջազգային հանդիպման արդյունքներով տարածված հայտարարության մեջ, փոխանցում է «ՌԻԱ Նովոստի»-ն:
«Իրանը, Ռուսաստանը եւ Թուրքիան հաստատում են ԻՊ/ԴԱԻՇ-ի եւ «Ան Նուսրայի» դեմ համատեղ պայքարելու եւ նրանց Սիրիայի ընդդիմության զինված խմբավորումներից տարանջատելու մտադրությունը»,- նշված է փաստաթղթում:
Ռուսաստանը, Իրանը եւ Թուրքիան Սիրիայում հրադադարի մոնիթորինգի մեխանիզմ ստեղծելու որոշում են ընդունել:
Ռուսաստանը, Իրանը եւ Թուրքիան հավատարիմ են Սիրիայի ինքնիշխանության եւ տարածքային ամբողջականության սկզբունքներին, եւ կարծում են, որ արաբական այս երկրում հակամարտությունը ռազմական լուծում չունի: