Ռուսաստանն ու Հայաստանը կարող են ներդրումային համագործակցության հատուկ ֆոնդ ստեղծել։ Այս մասին ՀՀ վարչապետ Կարեն կարապետյանի հետ հանդիպմանն ասել է ՌԴ վարչապետ Դմիտրի Մեդվեդեւը, փոխանցում է ՏԱՍՍ–ը։
«Քննարկել ենք ներդրումային համագործակցության ուղղությամբ հարցերը, այդ նպատակների համար հատուկ ֆոնդ ստեղծելու գաղափար կա։ Մենք պայմանավորվել ենք, որ պրոֆիլային գերատեսչություններին հնարավորություն կտանք վերլուծել նման ֆոնդ ստեղծելու հնարավորությունը եւ դրա ֆինանսավորման աղբյուրները»,– ասել է Մեդվեդեւը։
ՌԴ վարչապետի խոսքով՝ Ռուսաստանն ու Հայաստանը գյուղարդյունաբերության համալիրում համագործակցության զարգացման լավ ներուժ ունեն։
Կարեն Կարապետյանը Դմիտրի Մեդվեդեւին հրավիրել է պատասխան այցով լինել Երեւանում։ «Օգտվելով առիթից՝ ուզում եմ Ձեզ պաշտոնական այցով հրավիրել Երեւան»,– ասել է նա։
