Գերմանիայի դաշնային դատախազության կարգադրությամբ Բոննի մերձակայքում ձերբակալել են «Իսլամական պետություն» եւ «Ջաբհաթ ան Նուսրա» ահաբեկչական խմբավորումների 2 ենթադրյալ անդամների։ Գերատեսչության հայտարարության մեջ ասվում է, որ խոսքը 25-ամյա Ռաշիդ Բ.–ի եւ Խալիդ Բ.–ի մասին է, որոնք Գերմանիայի եւ Մարոկկոյի քաղաքացիներ են, հայտնում է DW–ն։
Ձերբակալման ժամանակ, որը մեկ ամսի առաջ արտոնել էր դատավորը, ոստիկանները խուզարկել են կասկածյալների բնակարանները։ Հետաքննության տեղեկություններով՝ նրանք վերապատրաստում են անցել Սիրիայում գրոհայինների ճամբարում եւ 2013-ին մասնակցել են ահաբեկչական խմբավորումների մարտերին։