«Ժառանգություն» կուսակցությունն արդեն գոյություն չունեցող գործոն է Հայաստանի քաղաքական դաշտում։ Այս մասին NEWS.am–ի թղթակցի հետ զրույցում ասել է քաղտեխնոլոգ Արմեն Բադալյանը։
Նրա խոսքով, այդ կուսակցությունը շատ վաղուց փաստացի դադարել է գոյություն ունենալ։ «Եվ ոչ թե հիմա, այլ մի քանի տարի առաջ, երբ 2012-ին ձեւավորվեց «Ժառանգություն»- «Ազատ դեմոկրատներ» դաշինքը, ու «Ժառանգության» մի քանի ակտիվ ու պոպուլյար գործիչներ չմտան խորհրդարան։ Նրանց փոխարեն պատգամավոր դարձան մարդիկ, որոնք խորհրդարան էին մտել անհասկանալի պատճառներով։ «Ժառանգություն»- «Ազատ դեմոկրատներ» դաշինքը փաստացի դադարեց գոյություն ունենալ ու հիմա կուսակցության խորհրդարանական խմբակցություն որպես այդպիսին գոյություն չունի»,- ամփոփեց Արմեն Բադալյանը։