«Սասնա ծռեր» խմբի անդամ Աշոտ Պետրոսյանի շահերի պաշտպան Արայիկ Պապիկյանն ու Աշոտ Պետրոսյանն այսօր՝ հունվարի 24-ին, Երեւանի Քանաքեռ-Զեյթուն վարչական շրջանների ընդհանուր իրավասության դատարանի դատավորին բացարկի միջնորդություն են ներկայացրել, սակայն, միջնորդությւոնը մերժվել է: NEWS.am-ի հետ զրույցում Արայիկ Պետրոսյանը նշեց, որ դատավոր Աննա Մաթեւոսյանը անաչառ չէ եւ չեն ցանկանում, որպեսզի քրեական գործով նիստերը տեղի ունենան նրա նախագահությամբ:
Արայիկ Պապիկյանը նաեւ նշեց, որ այսօր քննվել է Աշոտ Պետրոսյանի կալանքի երկարացման վերաբերյալ նախաքննական մարմնի միջնորդությունը, դատարանի որոշումը կհրապարակվի քիչ անց
Աշոտ Պետրոսյանին մեղադրանք է առաջադրվել Քրեական օրենսգրքի 219-րդ հոդվածի 3-րդ մասի 1-ին կետով (Շենքեր, շինություններ, տրանսպորտի, հաղորդակցության կամ կապի միջոցներ, այլ հաղորդակցության ուղիներ զավթելը կամ դրանք պահելը, որը կատարվել է կազմակերպված խմբի կողմից) եւ 235-րդ հոդվածի 3-րդ մասով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որը կատարվել է կազմակերպված խմբի կողմից): Նա կալանավորված է: