«Ազատ Հայրենիք» կուսակցությունն ու Արցախի ժողովրդավարական կուսակցությունը իրենց հաստատակամությունն ու պատրաստակամությունն են հայտնել Արցախի Հանրապետության Սահմանադրության նախագծի օգտին համատեղ քարոզչություն ծավալելու համար: Այս մասին այսօր՝ հունվարի 24-ին, համատեղ հայտարարություն են ստորագրել «Ազատ Հայրենիք» կուսակցության եւ Արցախի ժողովրդավարական կուսակցության ղեկավարներ Արայիկ Հարությունյանը եւ Աշոտ Ղուլյանը:
«Հիմք ընդունելով 2015 թվականի մայիսի 19-ին «Ազատ Հայրենիք» եւ Արցախի ժողովրդավարական կուսակցությունների միջեւ ստորագրված հուշագրի տրամաբանությունն ու ոգին՝ խորհրդարանական երկու քաղաքական ուժերն իրենց հաստատակամությունն ու պատրաստակամությունն են հայտնում Արցախի Հանրապետության Սահմանադրության նախագծի օգտին համատեղ քարոզչություն ծավալելու»,-ասված է հայտարարության մեջ: