Գերագույն Ռադայի պատգամավոր Եվգենի Ռիբչինսկին «անառակություն» է որակել Ուկրաինայի պետական ծառայողների կողմից ռուսաց լեզվի կիրառումը։ Համապատասխան գրառումը պատգամավորը կատարել է Facebook–ի իր էջում։
«Անառակություն է պետական ծառայողների կողմից ագրեսորի լեզվի կիրառումը այն ժամանակ, երբ ծառայում ես պատերազմող երկրիդ», – գրել է Ռիբչինսկին։
Այս կերպ է պատգամավորը արձագանքել Facebook սոցիալական ցանցում իր գործընկեր Վիկտոր Բալոգայի գրառմանը, թե «ուկրաիներենի բացառիկության մասին օրինագիծը պառակտում է հասարակությունը»։