Բուլղարիայի նախագահ Ռումեն Ռադեւը ստորագրել է հրաման 2017-ի մարտի 26-ին արտահերթ խորհրդարանական ընտրություններ անցկացնելու մասին, հայտնում է «ՌԻԱ Նովոստին»։

«Պետության ղեկավարը ստորագրել է հրաման 2017-ի մարտի 26-ին արտահերթ խորհրդարանական ընտրություններ անցկացնելու մասին»,- ասվում է հայտարարության մեջ։

Բացի դրանից Ռադեւը որոշել է հունվարի 27-ին լուծարել երկրի գործող 43-րդ խորհրդարանը։

Հունվարի 19-ին կայացել է Բուլղարիայի նոր նախագահ Ռումեն Ռադեւի երդմնակալությունը։