Նյուքասլի 26-ամյա բնակիչ Ադամ Էլիոթը մեղավոր է ճանաչվել «կաբրիոլետը» կանգնած վարելու համար, թեեւ նա փորձում էր համոզել դատարանին, որ մեքենան նստած է վարել։ Կեղծ տպավորությունը, նրա խոսքով, ձեւավորվել է իր բարձր՝ մոտ 2 մետր հասակի պատճառով, հաղորդում է BBC–ի Ռուսական ծառայությունը։

Սակայն գործով դատավոր Ռոբերտ Ադամսը համոզված է, որ երիտասարդը փորձել է «իրեն ցուցադրել» մյուս վարորդների առաջ, այդ պատճառով էլ կանգնած է վարել բաց թափքով ավտոմեքենան։ «Եվ դա բավական վտանգավոր էր», – նշել է դատավորը։

Սկզբում բրիտանացին ընդունել էր իր մեղքը, սակայն երեքշաբթի կայացած դատական նիստում հայտարարել էր, որ մեղավորը իր բարձր հասակն է։  Միջադեպի համար, որ տեղի էր ունեցել անցած տարվա հունվարին, Էլիոթին արդեն իսկ մեկ տարով զրկել են վարորդական իրավունքից։ Վերջնական դատավճիռը կկայացվի փետրվարին։