Ստեփանծմինդա-Լարս ճանապարահատավածի այլընտրանքային տարբերակը չի սահմանափակվում միայն Հարավային Օսիայով: Այս մասին այսօր՝ հունվարի 26-ին, կառավարության նիստից հետո լրագրողների հետ զրույցում ասել է ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը:
«Շարունակում ենք այդ քննարկումները, որ գոնե Ռուսաստանն ու Վրաստանը կարողանան համաձայնություններ գտնեն: Լարսի փոխարեն այլընտրանքային ճանապարհը, այլընտրանքային տարբերակները չեն սահմանափակվում միայն Հարավային Օսիայով, մենք պետք է նայենք բոլոր տարբերակները, քննարկենք եւ ներկայացնենք կառավարություն»,-ասել է նա:
Նշենք, որ վարչապետ Կարեն Կարապետյանն այսօրվա կառավարության նիստում նախարարին հանձնարարել էր Ստեփանծմինդա-Լարս ճանապարահատավածում եղանակային պայամններով պայմանավորված փոխադրումների սահմանափակումները վերացնելու համար ռուսական եւ վրացական կողմերի հետ քննարկումներ անել եւ մինչեւ մարտի 1-ը կառավարության աշխատակազմ ներկայացնել փոխադրումների համար այլընտրանքային տարբերակներ:
