Հայաստանի նախկին վարչապետ Հովիկ Աբրահամյանը առաջիկայում մամուլի ասուլիս կհրավիրի եւ մեկնաբամություններ կկատարի: Այս մասին Դեմոկրատական կուսակցության 8-րդ համագումարի շրջանակներում լրագրողների հետ զրույցում ասաց ԱԳ նախկին նախարար, «Համախմբում» կուսակցության առաջնորդ Վարդան Օսկանյանը՝ մեկնաբանելով Աբրահամյանի հետ հնարավոր համագործակցությունը: «Թող նա մամուլի ասուլիս տա եւ ինքն էլ հանդես գա մեկնաբանությամբ»,- ասաց Օսկանյանը: Ի պատասխան հարցին՝ Աբրահամյանի հեռանալով Հայաստանի իշխող կուսակցությունը կպառակտվի՞, նա հավաստիացրեց. «Դա ինձ չի մտահոգում»:
Անդրադառնալով «Բարգավաճ Հայաստան» կուսացության առաջնորդ Գագիկ Ծառուկյանի հետ համագործակցությանը՝ քաղաքական գործիչն ընդգծեց. «Մենք հայտարարել ենք, որ չենք բացառում համագործակցությունը ցանկացած քաղաքական ուժի հետ, բացի իշխող կուսակցությունից: Մենք շփվում ենք բոլոր ուժերի ներկայացուցիչների հետ, ցանկանում ենք, որ դաշինքը հնարավորինս լայն լինի, որպեսզի մեծանա հաղթելու հավանականությունը»:
