Պաշտպան Արտյոմ Խաչատուրովը, ով ժամանակին հանդես էր գալիս Մոլդովայի երիտասարդական հավաքականում, Հայաստանի ազգային հավաքականին միանալուց հետո իր երկրում համարվեց լեգեոներ եւ ստիպված եղավ փոխել մի քանի թիմ: Անցյալ տարի ձմռանը նա միացավ Երեւանի «Արարատին», սակայն պայմանագիրը ստորագրելուց հետո թիմը մտափոխվեց:
Խաչատուրովը հասցրեց միանալ մոլդովական «Զարյային», որտեղ քիչ խաղաժամանակ էր ստանում, քանի որ լեգեոներ էր ու իր դիրքում ավելի շատ խաղացնում էին տեղացիներին, քանի որ այնտեղ գործում է լեգեոներների թվի սահմանափակման օրենքը:
Ձմռանը Արտյոմը հեռացավ «Զարյայից»: Մեր տեղեկություններով, ֆուտբոլիստը պետք է տեղափոխվեր Ուզբեկստան, սակայն մարզման ժամանակ վնասվածք էր ստացել եւ բաց թողել այդ հնարավորությունը:
Արտյոմ Խաչատուրովը Հայաստանի ազգային հավաքական էր հրավիրվել 2013–ին եւ մասնակցել միայն երկու խաղի: