Մեծ Բրիտանիայում հակասեմական բնույթի հանցագործությունների քանակը անցյալ տարվա ընթացքում ավելի քան 1/3-ով աճել է եւ հասել ռեկորդային մակարդակի, պնդում է Community Security Trust բարեգործական կազմակերպությունը, հայտնում է BBC–ն։
Ինչպես նշում է CST–ը, անցյալ տարի հակասեմականության հողի վրա կատարված հանցագործությունների թիվը, 2015– համեմատ, աճել է 36 տոկոսով եւ կազմել է 1309 դեպք։ Նախորդ ռեկորդը 2014 թվականին էր, երբ ոստիկանությունում գրանցվել էր 1182 նման միջադեպ։
Գրանցված դեպքերի ավելի քան 75 տոկոսը Մեծ Լոնդոնի եւ Մեծ Մանչեսթերի տարածքում են եղել, որտեղ ապրում են ամենամեծ հրեական համայնքները։
CST–ի ներկայացուցչի խոսքով՝ հանցագործությունների թվի աճը միտում է, որն արտահայտում է հասարակության տրամադրությունները։