Թուրքիայի հայտնի երգիչ, կինոռեժիսոր Մահսուն Քրմըզըգյուլը խիստ պատասխան է տվել իր նոր ֆիլմի հետ կապված իրեն վիրավորած գործիչներին ու քաղաքապետերին։
Թուրքական Cumhuriyet–ի փոխանցմամբ՝ Մահսուն Քրմըզըգյուլն օրեր անց պատասխանել է իրեն քննադատողներին ու վիրավորողներին՝ նրանց անվանելով՝ ստոր, անբարոյական ու անպատիվ։ Նա շեշտել է, թե իրեն փորձել են անտեղի պիտակավորել ու հայրենիքի դավաճան համարել։
Նշենք, որ օրեր առաջ թուրքական կինոթատրոններում սկսել է ցուցադրվել Մահսուն Քրմըզըգյուլի «Վեզիրի մատը» կատակերգությունը։ Ֆիլմում բացահայտ ծաղրվում են օսմանյան իշխանությունների սեռական արկածները։
Թուրքիայում երկու քաղաքապետեր արգելել էին իրենց քաղաքների կինոթատրոններում ֆիլմի ցուցադրությունը՝ հայտարարելով, թե այն վիրավորում է օսմանյան իշխանություններին։