Լատվիայի ընդդիմությունը պահանջում է ԱԳ նախարար Վալդիս Կրիստովսկիսի հրաժարականը՝ նշանակումից մեկ օր անց։
«Հանուն ավելի լավ Լատվիայի» եւ «Համաձայնության կենտրոն» միավորումները նման պահանջ են առաջ քաշում , կապված նախարարի կողմից «ժողովրդավարական հասարակությունում անընդունելի արտահայտություններ» թույլ տալու հետ:
Խոսքը ռուսատյացության մասին է։ Լրատվամիջոցներում հրապարակվել է Կրիստովսկիսի նամակագրությունը ԱՄՆ-ում բնակվող լատվիացի բժիշկ Այվար Սլուցիսի հետ, ով գրել է, որ ռուս հիվանդներին չէր կարող բուժել այնպես, ինչպես լատվիացիներին։ Սրան ի պատասխան՝ ԱԳ նախարարն, իբր ասել է, որ լիովին համաձայն է այդ տեսության եւ գնահատականի հետ, հայտնում է Pietiek.com-ը։